ალგეთის ეროვნული პარკი

ალგეთის ეროვნული პარკი მდებარეობს თეთრიწყაროს რაიონში, თრიალეთის ქედის სამხრეთ-აღმოსავლეთ კალთაზე მდ. ალგეთის სათავეებში. მისი ფართობი 6822 ჰა-ს შეადგენს. პარკის ტერიტორია ხასიათდება მთა-გორიანი რელიეფით, საშუალო სიმაღლე 1000 მ.ზ.დ., უმაღლესი წერტილია კლდეკარი.

დაბა მანგლისის მახლობლად 1965 წელს დაარსდა ალგეთის სახელმწიფო ნაკრძალი, რომელსაც 2007 წელს მას მიენი

ჭა ეროვნული პარკის სტატუსი. ამ დაცული ტერიტორიის შექნის ძირითადი მიზანი ნაძვის და კავკასიური სოჭის უკიდურესი აღმოსავლეთი საზღვრის დაცვაა.

ეროვნული პარკი ქალაქ თბილისიდან 60 კილომეტრითაა დაშორებული და ავტომობილით მგზავრობის დრო საშუალოდ 2 სთ-ს შეადგენს. პარკის ადმინისტრაციული შენობა მდებარეობს დაბა მანგლსში, კურორტის ქუჩა №4-ში (ტელ.: 599 50 80 94).

ეროვნული პარკის ტერიტორიაზე მიედინება ქვემო ქართლის ერთ-ერთი ძირითადი მდინარე ალგეთი. წელიწადის უმეტესი ნაწილის განმავლობაში ის პატარა მთის მდინარეა, თავისი მრავალრიცხოვანი პატარა შენაკადებით და ხევებით, თუმცა გაზაფხულობით საგძნობლად დიდება.

ეროვნული პარკის ტერიტორიაზე განლაგებულია რამდენიმე დასახლებული პუნქტი, რომელთა მიდამოებში უამრავი ისტორიული ძეგლია: მანგლისის ციკლოპური ტიპის მოედანი „გულდამაანთ მამიდა“, სოფელი არხოტის მიდამოებში ოსური სალოცავი კუბადონი, სოფელ ნაპილნართან სამების ეკლესია, შეხვეტილასთან მამუკას ხატი და წმ. მარიამის სახელობის ეკლესია. აქ არის უძველესი „თამარ მეფის გზები“, რომელთაგან ერთი მიემართება მთა კლდეკარისაკენ - ბუნებრივი კლდის ციხე- სიმაგრისაკენ. ჩრდილო-აღმოსავლეთით მდებარეობს დიდგორის მთა, სადაც 1121 წელს მოხდა ცნობილი, საქართველო - თურქეთის ომი.

ალგეთის ეროვნული პარკში შესაძლებელია ფაუნის შემდეგი წარმომადგენლების ნახვა: დათვი, მგელი, მელა, ფოცხვერი, შველი, გარეული ღორი, კურდღელი, კავკასიური როჭო, ბექობის არწივი და სხვა.

ეროვნულ პარკში შესაძლებელია საქართველოს წითელ ნუსხაში და CITES-ის დანართებში შესული შემდეგი მცენარეების ნახვა: pipogium aphyllum; Goodyera repens; Gymnadenia conopsea; Traunsteinera sphaerica; Dactylorhiza urvilleana; Dactylorhiza euxina; Dactylorhiza salina; Senecio rombifolius; Corylus iberica; Stapilea pinnata; Ulmus minor; Ulmus suberosa; Vitis silvestris; Hippophae rhamnoides.

აღნიშნულ მცენარეთა სავეგეტაციო პერიოდი იწყება მარტ-აპრილიდან (ყვავილობა) და გრძელდება ოქტომბერ-ნოემბრამდე (ნაყოფობა), რასაკვირველია თითოეული მცენარისათვის ეს პერიოდი მეტნაკლებად ვარირებს.

ალგეთის ეროვნული პაკი სამეცნიერო კვლევების მნიშვნელოვან ბაზას წარმოადგენს. გააჩნია რეკრეაციულ-კურორტოლოგიური, წყალშემნახავი და ნიადაგდაცვითი მნიშვნელობა. დღესდღეობით ამ დაცული ტერიტორიის მონახულება შესაძლებელია მხოლოდ საგანმანათლებლო და არამანიპულაციური სამეცნიერო კვლევების ჩატარების მიზნით.

ამჟამად მიმდინარეობს ნაკრძალის ეროვნულ პარკად გარდაქმნის პროცესი. იგეგმება ალგეთის ნაკრძალის გაფართოება წალკის, კასპისა და თეთრიწყაროს რაიონების მიმართულებით. გაფართოების მიზანია ბიომრავალფეროვნების კონსერვაცია და ეკოტურიზმის განვითარება.

ინფორმაციის წყარო: BP, BTC, ნაკრესი, Save the Children, SPC